As instalacións deportivas do CGTD poderán ser utilizadas polos deportistas e técnicos das federacións e clubs deportivos galegos para o desenvolvemento de calquera dos seguintes tipos de actividades:
1) Tecnificación deportiva durante o curso escolar.
2) Tecnificación deportiva en períodos vacacionais.
3) Adestramento de deportistas de alto nivel.
4) Tecnificación deportiva no ámbito de clubs deportivos galegos.

As instalacións do CGTD tamén poderán ser usadas para que centros públicos, universidades públicas e federacións deportivas galegas poidan desenvolver actividades de formación de técnicos deportivos.

No documento de condicións xerais para a solicitude de instalacións no CGTD establécese de xeito mas detalado o procedemento para a solicitude e adxudicación das mesmas.

As solicitudes deberán ser presentadas na oficina do Centro Galego de Tecnificación Deportiva ou remitidas por fax (986 847 510) ou correo electrónico (cgtd@xunta.es) con un mínimo de 10 días sobre a data prevista para o inicio da actividade.

Para facer a petición de uso de instalacións deportivas do CGTD a entidade solicitante deberá presentar en tempo e forma a seguinte documentación:

** Impreso para a solicitude de instalación (ANEXO I) que, segundo o caso, poderá ser:
Solicitude do pavillón polideportivo (Anexo I)
Solicitude do ximnasio (Anexo I)
Solicitude da piscina (Anexo I)

** Composición do/s grupo/s de adestramento (Anexo II)

** Datos dos usuarios (Anexo III)

** Datos dos usuarios en formato electrónico(Anexo III)

** Declaración de coñecemento e aceptación das normas (Anexo IV)

A solicitude de pavillón polideportivo para competicións deportivas farase conforme o modelo previsto indicando de forma precisa, ademais dos datos da entidade solicitante, as datas de competición, os horarios e datos para o contacto coas persoa/s responsable/s da mesma.