Segunda xornada dunha nova edición do Campionato do Mundo da clase 420 que estes días se celebra en Haifa (Israel) sen que haxa mellores resultados da representación galega desprazada. O equipo Pescanova-Xacanparts.com-Puerto de Villagarcía, defende que non terán difícil estar entre os dez ou quince primeiros. Se onte era un cabo o que lles xogaba a mala pasada, hoxe foi o cañin, e a bandeira negra, cun BFD na primeira das mangas que ensombrecía o sétimo que poderían ter asinado.

Dos 12 nós de partida, a segunda proba afrontábana os 83 barcos inscritos na categoría masculina con 8 nós e encalmadas de case 0, e finalizaban o décimo quinta praza. Xa na última o fallo na elección do bordo lles valía rematan de 41.

Así, tras seis probas disputadas e un descarte, suman 92 puntos. O tándem vigués-liceísta non perde a esperanza de recortar posicións e aseguran que intentarán clasificar o Pescanova-Xacanparts.com-Puerto de Villagarcía para o grupo ouro.

A selección galega de Vela Caixanova, formado polas viguesas Neves Lorente e Alejandra Suarez Nieves, melloraron un pouco os resultados da xornada inaugural, na que cun 34, 23 e 28, quedaban relegadas. Hoxe o seu mellor posto foi un 11, que se sumou a un 28 e un 20.

Fonte: Federación Galega de Vela