Valladolid acolle esta fin de semana unha dobre cita. O sábado celebrarase o Campionato de España de Tríatlon por equipos, mentres que o domingo terá lugar o último clasificatorio para o Campionato de España.

Campionato de España. Tres clubs galegos (Arcade Inforhouse, Cidade de Lugo Fluvial e Galaico Cidade de Pontevedra) participarán no Campionato de España de Tríatlon por equipos. Cada equipo está formado por tres deportistas e todos eles realizarán un mini-tríatlon (300 metros de natación, 8 quilómetros de bicicleta e 2 quilómetros de carreira a pe).

O Arcade Inforhouse participa con dous equipos en cada categoría (masculina e feminina), aínda que non participa Iván Raña.Na categoría masculina o nivel dos competidores é moi alto. O equipo A está formado por Alberto Trillo, Brasi Canosa e Antón Ruanova, mentres que o equipo B conta con Rubén Bouza, Emilio Lousa e Nico Domínguez. Na categoría feminina tamén presenta dous equipo, no A contará con Virginia Pérez, Laura Mosquera e Barbara Penas, mentres que no B as integrantes serán Grit Hagen, Flavia Coniglio e Sabela Fraga.

Pola súa banda o Cidade de Lugo Fluvial participa cun equipo masculino (formado por Jesús Gomar, Óscar Vicente e David Castro) e outro feminino (Aida Valiño, Estefanía Domínguez e Saleta Castro), ambos formados por deportistas dun altísimo nivel en un bo estado de forma, polo que tentarán loitar polas medallas.

O terceiro club galego que asiste ao Campionato de España é o Galaico Cidade de Pontevedra, que só participará na categoría masculina cun equipo formado polos júnior Óscar e Iván Castro Toucido e Ismael Vieitez.

A participación no campionato é moi importante. Na categoría masculina participarán un total de 73 equipos (varios clubs acuden con dous equipos), mentres que na feminina os equipos participantes son 29.

Clasificatorio. E ao día seguinte celebrarase tamén en Valladolid o último clasificatorio para o Campionato de España de Tríatlon no que xa hai inscritos 450 deportistas e hai máis de cen personas na lista de espera. A maioría dos que o día anterior participan no Campionato de España por equipos, tamén participarán neste clasificatorio. Os triatletas terán que nadar 750 metros, percorrer 20 quilómetros en bicicleta e correr 5 quilómetros.

 *A continuación, a inscripción galega na proba elite.

Fonte: Federación Galega de Triatlón